Posted on: August 28th, 2024
Mkurugenzi Mtendaji wa Halmashauri ya Wilaya ya Malinyi Ndugu Khamis Jaaphar Katimba amewataka Watumishi katika sekta ya afya kuongeza umakini katika kazi zao, kutende haki na kuwa Waadilifu wanapowahudumia Wananchi.
Mkurugenzi Katimba ameyasema hayo wakati akizungumza katika kikao cha uwasilishaji taarifa robo ya nne( April- Juni 2023/204)kilichohusisha Timu ya Waendeshaji huduma za afya katika Halmashauri ya Wilaya ya Malinyi , Waganga
Wafawidhi wa vituo vya kutolea huduma za afya pamoja na Wadau wanaounga mkono juhudi za Serikali katika sekta ya afya.
Mkurugenzi huyo amesema kazi za sekta ya afya ni wito hivyo amewataka Wataalam hao wa afya kujituma, kuwa wavumilivu, kuepuka mianya ya rushwa na kusaidiana katika majukumu yao ili Wananchi waweze kupata huduma bora za afya kama ilivyo dhamira ya Mhe. Rais Dkt. Samia Suluhu Hassan katika sekta hiyo.
Hata hivyo Mkurugenzi Katimba amewataka Wataalam hao wa afya kuwa wasimamizi wa miradi ya serikali inayotekelezwa katika maeneo wanayofanyia kazi, ili kuhakikisha miradi hiyo inatekelezwa kwa viwango sahihi na kukamilika kwa wakati ili Wananchi wapate huduma za afya katika maeneo yao.
Ofisi ya Mkurugenzi, Halmashauri ya Wilaya ya Malinyi
Postal Address: 18 Malinyi, Morogoro
Telephone: 0643111999
Mobile:
Barua pepe za watumishi: ded@malinyidc.go.tz
