MILIONI 128 KUTOKA MAPATO YA NDANI ZATUMIKA KUKAMILISHA MAJENGO KATIKA HOSPITALI YA WILAYA

Posted on: October 24th, 2023

Jumla ya shilingi milioni 128 kutoka mapato ya ndani ya Halmashauri zitatutumika kumalizia  ujenzi wa jengo  la  dharura, jengo la  nyumba ya Watumishi (3 in 1) jengo la Utawala na jengo la Wazazi.

Hayo yamesemwa na Mganga Mfawidhi wa Hospitali ya Wilaya Dkt. Joseph Masolwa wakati akisoma taarifa juu ya mwenendo wa  ujenzi na umaliziaji wa majengo hayo kwa kamati ya Fedha, Uongozi  na Mipango ilipofanya ziara ya kukagua miradi katika Hospitali ya Wilaya ya Malinyi.

Dkt.  Masolwa amefafanua kuwa mwezi wa nane (August 2023) Hospitali ya Wilaya ilpokea kiasi cha shilingi milioni 82  kutoka mapato ya ndani ya Halmashauri ambapo milioni 60 zililenga kumalizia ujenzi wa jengo la dharura, milioni 22 zililenga kumalizia ujenzi wa nyumba ya Watumishi  ( 3 in 1) na mwishoni mwa mwezi wa kumi  (Oktoba 2023) Halmashauri ilipokea kiasi cha shilingi milioni 46 kutoka mapato ya ndani ya Halmashauri ambapo milioni 30 zimelenga kumalizia ujenzi wa jengo la Wazazi na milioni 16 zitamalizia ujenzi wa jengo la utawala.

Naye Mhandisi wa Wa Wilaya  Ndugu  Fokward Mhoisol amesema kuwa kwa sasa shughuli za umaliziaji wa majengo hayo zimekwishaanza na  majengo hayo yapo katika hatua mbalimbali za umaliziaji ambapo jengo la utawala limekamilika kwa 71%,  jengo la dharura limekamilika kwa 95%, nyumba ya Watumishi kwa 92%  jengonla Wazazi limekamilika na linaendelea kutoa huduma.

Aidha Mhandisi  Fokward ameongeza kuwa kwa mujibu wa mpango kazi wa Idara ya ujenzi  mpaka kufikia tarehe 30/10 /2023  jengo la dharura, nyumba ya Watumishi itakua imekamilika, ambapo  jengo la Utawala linatarajiwa kukamilika tarehe 15/11/2023.

Hata hivyo, Kamati ya Fedha, Uongozi na Mipango imeipongeza Idara ya ujenzi  kwa hatua iliyofikia katika usimamizi wa  ujenzi wa majengo hayo na kuitaka iendelee kufanya kazi kwa bidii ikiwa ni pamoja kuongeza umakini katika kusimamia matumizi  ya fedha za Serikali  na kusimamia mafundi ili miradi hiyo ikamilike ndani ya muda uliokusudiwa.