WATUMISHI SPORTS CLUB YAKABIDHI KOMBE KWA MKURUGENZI KATIMBA

Posted on: September 10th, 2024

Timu ya watumishi Sports Club imekabidhi kombe la ushindi katika mchezo wa darts na mchezo wa bao pamoja na cheti cha ushiriki katika mashindano ya michezo ya Watumishi wa Mamlaka za Serikali za Mitaa 2024.

Akizungumza mara baada ya kupokea tuzo hizo Mkurugenzi Mtendaji wa Halmashauri ya Wilaya ya Malinyi ndugu Jaaphary Katimba ameipongeza timu hiyo kwa kufanya vizuri katika mashindano hayo na kuwataka wasibweteke na ushindi huo bali waendelee kujipanga vizuri ili wafanye vizuri zaidi katika michezo mingine mwakani.

Katika mashindano hayo ya SHIMISEMITA 2024 Timu ya Watumishi Sports Club imeshiriki katika michezo ya ndani ikiwa ni pamoja na mchezo wa bao, mchezo wa kurusha vishale (darts), mchezo wa draft na karata 

Katika mchezo wa darts kwa upande wa wanawake Timu ya Watumishi Sports Club imeshika nafasi ya kwanza, mchezo wa bao kwa wanaume imeshika nafasi ya tatu, mchezo wa draft kwa wanaume imeshika nafasi ya kumi na sita, mchezo wa karata kwa wanaume imeshika nafasi ya kumi na sita, na mchezo wa karata kwa wanawake imeingia katika hatua ya makundi

Kufuatia hali hiyo timu ya watumishi Sports Club imepata zawadi ya kombe la mshindi wa kwanza kwa mchezo wa darts na kombe la mshindi wa tatu kwa mchezo wa bao pamoja na cheti cha ushiriki.

Mashindano hayo ya michezo ya watumishi wa mamlaka ya serikali za mitaa Tanzania ( SHIMISEMITA) yalianza Agosti 25, 2024 na kumalizika septemba 6, 2924 Jijini Mwanza.