ZAIDI YA SH. MILIONI 500,000,000 ZIMETOLEWA KWA VIKUNDI VINAVYONUFAIKA NA MIKOPO YA 10% YA WANAWAKE, VIJANA NA WATU WENYE ULEMAVU

Posted on: November 18th, 2024

Hayo yamesemwa na Mkuu wa Wilaya ya Malinyi Mhe. Sebastian Waryuba Novemba 18, 2024 wakati akizungumza  katika hafla fupi  iliyofanyika katika ukumbi wa  Mkindigili ya kukabidhi hundi ya mfano yenye thamani ya Zaidi ya shilingi 5000,000,000 kwa vikundi vinavyonufaika na mikopo ya 10% ya Wanawake, Vijana na Watu wenye ulemavu

Mhe. Waryuba amemshukuru Mhe. Rais Dkt. Samia Suluhu Hassan kwa kuruhusu utolewaji wa mikopo hiyo yenye lengo la kuwakwamua Wananchi kiuchumi ili  kuondokana na hali ya umasikini na amewataka Wanaufaika hao kuirejesha mikopo hiyo kwa wakati ili waendelee kuwa na sifa ya   kukopesheka na kutoa nafasi ya vikundi vingingine viweze kukopa katika awamu zinazofuata.

Taarifa ya utekelezaji wa mchakato wa utoaji wa mikopo hiyo iliyosomwa na Kaimu Mkurugenzi wa Halmashauri ya Wilaya ya Malinyi Ndugu Ahobokile Songela  imeeleza kuwa tangu mwanzo mwa zoezi hilo  Halmashauri ilipokea maombi ya mikopo kutoka kwa vikundi 228 Wilayani Malinyi lakini Kamati za uhakiki wa mikopo hiyo zilifanya uchambuzi  na  kupata vikundi 59 ambavyo ndivyo vyenye sifa ya kupata mikopo hiyo katika awamu hii ya kwanza.

Ndugu Songela amesema kuwa  katika vikundi hivyo 59, vikundi 29 ni vya Wanawake, vikundi 24 ni vya Vijana na vikundi 6  ni  vya Watu wenye ulemavu na hivyo kufanya idadi ya wanavukundi kufikia  410

Akizungumza kwa niaba ya Vijana  wanaonufaika na mikopo hiyo Ndugu Vicent Lukumbo amemshukuru Mhe. Rais Dkt. Samia Suluhu Hassan kwa uwezeshaji wa mikopo hiyo, Mhe. Sebastian Waryuba kwa usimamizi  wa zoezi hilo la utoaji wa mikopo,  na Ofisi ya Mkurugezi  Mtendaji  wa Halmashauri ya Wilaya ya Malinyi kwa kuendesha mchakato huo wa utoaji wa mikopo tangu mwazo mpaka zoezi hili lilipokamilika.

Naye  Beatha  Usanga  muwakilishi wa vikundi vya Wanawake amemshukuru  Mhe. Dkt. Samia Suluhu  Hassan  na amesema kuwa Wanawake wa Malinyi wapo pamoja na  Mhe. Samia  Suluhu Hassan  katika nyakati zote.

Kwa upande wake  Bi Marry Malangu muwakilishi wa Watu wenye ulemavu amawataka Watu wenye ulemavu wanaonufaika na mikopo hiyo kufanya kazi kwa bidii kwani Rais Mhe. Dkt. Samia Suluhu Hassan hana mchezo katika kuhakikisha Wananchi wake wanajikwamua kiuchumi na kuondokana na hali ya umasikini.

Vikundi hivyo 59 vinajishughulisha na shughuli mbalimbali zikiwemo  uendeshaji wa viwanda vidogovidogo, kilimo, ufugaji, usafirishaji  pamoja na uwakala wa fedha.